Link açıqlığı

İşğal etilgen Aqyarda sentâbr 4-te kündüz şeerniñ eñ büyük «Ukrtelekom» provayderi bergen internet ağını söndürdiler.

Qırım.Aqiqat saytınıñ mühbiri bildirdi ki, internet ağı üyleden soñ, Kiyev vaqtına köre saat 14.00 ğayıp oldı. Tehnikiy yardımda malümat almaq ıntıluvlar neticesiz oldı.

«0 800 506 800 «Ukrtelekom» internetiniñ tehnikiy yardım hızmetiniñ nomerasınen bağlanıp olamadıq, çünki telefon meşğul edi. «Ukrtelekomnıñ» malümat hızmeti (176 nomerası) ve umumiy malümat (109) bölükleri de meşğul ediler. Bütün bu hızmetler ya meşğul, ya da cevap bermey ediler», – dep ayttı sayt mühbiri.

Aynı vaqıtta, şeerdeki «Ukrtelekomnıñ» telefon ağı çalışa. Aqyar «ükümetinde» vaziyetni añlatıp olamadılar. Malümat boyunca yerli departament bildirdi ki, internet ağına ne olğanını bilmeyler.

Qırım.Aqiqat mühbiri bağlanğan «Ukrtelekomnıñ» Kiyev «acele ağınıñ» nevbetçisi dey ki, Aqyarda tamir işleri alıp barıla. Nevbetçi qaza sebeplerini aytıp olamadı, lâkin saat 18.00 qadar internet olacağına işandırdı.

«Ukrtelekom» Aqyardaki internet provayderlerinden eñ büyügi sayıla. Bundan ğayrı, şeerde tahminen beş büyük provayder, şu cümleden «Volâ kabel» ve «Sevstar», em de onğa yaqın kiçik provayder çalışa.

XS
SM
MD
LG