Link açıqlığı

«Artek» Halqara bala merkeziniñ hadimleri müessise hadimleriniñ erkânını eksilteler dep, Qırım yolbaşçılığından yardım soraylar. Böylece, aynı böyle muracaatnen olar Qırım «spikeri» Vladimir Konstantinovğa keldiler.

Bunı KİA Qırım «Devlet şurası» yolbaşçısınıñ matbuat kâtibi Oksana Savenkovanıñ aytqanlarına esaslanıp bildire.

Onıñ malümatına köre, Gurzufta olıp keçken körüşüvlerden birinde «Artek» hadimleri merkezde hadimlerni basa-bas işten boşatalar ve aylıq berilmesini sozalar, dep bildirdiler.

Konstantinov işbu problemler acele al etilmesi ve vaziyetni ögrenecek işçi gruppasınıñ meydanğa ketirilmesi kerek olğanını qayd etti.

Bundan evel Qırım «tasil, ilim ve gençlik naziri» Natalya Gonçarova bildirdi ki, 2015 senesi yanvar 1-de «Artek» federal akimiyetke boysunıp başlaycaq.

Qırım işğaliden sebep Ukraina 118 bala lagerinden marum qaldı. Rusiye akimiyeti «Artek» Halqara bala merkezini Rusiye tasil ve ilim nazirligine avuştırdı.

XS
SM
MD
LG