Link açıqlığı

Cuma künü işğal etilgen Qırım Ukrainada barışıq olması içün dua etecek


Qırım «akimiyeti» cuma künü, sentâbr 5-te, Ukrainada barışıq olması içün dua etmege qarar berdi.

Bunı Qırım «ükümetiniñ» matbuat hızmeti bildire.

Böyle bir qarar Qırımnıñ öz başına ilân etilgen baş naziri Sergey Aksönovnıñ «Barışıq – Allahnıñ ediyesidir» Qırım Dinlerara Şurasınıñ azaları ile körüşüvinden soñ qabul etildi.

Böylece, Qırımnıñ er bir kilse ve camisinde dua etecekler.

Matbuat hızmetiniñ malümatına köre, toplaşuv çerçivesinde Qırımnıñ Dinlerara Şurası Ukraina cenüp-şarqındaki vaziyet boyunca açıq muracaatnı imzalap, BMT Baş Assambleyası, Qızıl Haç Halqara Komiteti, PACE, OSCE ve diger halqara teşkilâtlar, elçihane, memleket liderleri, bütün dünya toplulığını «Ukraina şarqındaki qardaşlarara cenkni toqtatmağa ve zarar körgenlerge gumanitar yardım köstermege çağırdı».

Ukraina, Amerika Qomşa Ştatları ve Avropa Birligi bildirdiler ki, Rusiye Ukrainağa qarşı istilâsı ve Donbassta separatistlerge qol tutuvnen bağlı «yalan aytmamaq» kerek.

Birleşken Milletler Teşkilâtında Rusiye vekili Vitaliy Çurkin dedi ki, Ukrainada Rusiye ordusı yoq. Lâkin, Çurkinniñ aytqanına köre, Moskva Donbassta rusiyeliler cenkleşkenini red etmey.

XS
SM
MD
LG