Link açıqlığı

Rusiye Federatsiyası pasportlarını alğan ve yedekte olğan Aqmescit sakinlerini arbiy komissarlıq bölügine kelmege rica eteler. Olarnı ğayrıdan qayd etecekler, malümatlarını teşkerecekler ve Rusiye Federatsiyası mudafaa Nazirliginiñ arbiy biletini berecekler.

Bunı «Qırım Cumhuriyetiniñ» Aqmescit boyunca arbiy komissarlıq bildire.

Berilgen malümatqa köre, Rusiye mudafaa Nazirliginiñ nefaqacılarına maaş miqdarınıñ ğayrıdan baqılması içün arbiy komissarlıq bölügine kelip, Rusiye pasportı, SNİLS, sovetler birliginiñ arbiy areketler iştirakçisi şeadetnamesiniñ kopiyası ve uçucı erkân içün uçuş kitaplarınınıñ kopiyasını teslim etmege rica eteler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG