Qırım elektrik energiyası sisteması DTEK «Krımenergo» müessisesine energosistemada vaqtınca olacaq sıñırlar aqqında haber etti.
Bunı DTEK «Krımenergo» matbuat hızmeti bildire.
«Sentâbr 3-te saat 19:25 DTEK Krımenergo «Qırım elektrik energiyası sistemasınıñ» dispetçeri avalesinden soñ qazaiy söndürüv cedvelini çalıştırdı», – dep ayta matbuat hızmeti.
Saat 22:19 sıñırlarnıñ lâğu etilmesi aqqında haber kelgen soñ DTEK Krımenergo qullanıcılarnı adiy shema boyunca energiyanen temin etip başladı.
Bundan evel berilgen malümatqa köre, «Ukrenergo» devlet şirketi sentâbr 2-30 künleri qıtadan magistral ağlarından elektrik energiyasını sıñırlaycaq, bundan sebep er kün Qırımda 6 saat devamında yarıq olmaycaq.
Sentâbr 3-te aqşam Qırım qısmen ışıqsız qalğan edi.
