Link açıqlığı

Saatnıñ esas haberi

Roskomnadzor «İslâm devleti» levhasını baqmağa yasaq etti


Rusiyede Roskomnadzor talabınen «İslâm devleti» arbiyleriniñ videomuracaatını yasaq ettiler. Olar Şimaliy Kavkazda cenk başlamağa vade ettiler, dep haber ete Azatlıq Radiosı.

Komitetniñ matbuat kâtibi Vadim Ampelonskiy bildirdi ki, böyle bir qarar Rusiye baş prokuraturasınıñ talabından soñ qabul etildi. Baş prokuratura işbu muracaatnı tapıp, onıñ tarqatılmasına yol bermemege çağıra.

FSB taqiqat idaresine «terroristik areketler yapılmasınıñ havfı ve Rusiyeniñ topraq bütünligini boza bilecek areketlerge çağıruv» maddesi boyunca cinaiy işni açmaq meselesiniñ al etilmesi içün malümat yollanıldı.

Dünyanıñ içtimaiy ağları Rusiye memurlarnıñ ricasına seslendiler. Böylece, Twitter bunıñ kibi videomuracaatlarnı özü silip başladı.

XS
SM
MD
LG