Link açıqlığı

Saatnıñ esas haberi

Lvovda belli olmağan Qırımnen tanış eteler


Sentâbr 7-de Lvovdaki Vinniki şeerinde Qırımtatar medeniyetiniñ festivali açıla. Tedbir teşkilâtçıları Vinniki şeeriniñ Tarihiy-ülkeşınas müzeyi ve Lvov şeeriniñ qırımtatar cemiyeti olalar.

Festival «Belli olmağan Qırım» sergisinen başlanacaq. Mında qırımtatar ressam, quyumcı, kilim toquyıcı ve diger ustalarınıñ işleri taqdim etilecek.

Festival programması çerçivesinde qırımtatar ustalarınıñ ananeviy eserleri kösterilecek ve satılacaq. Bundan ğayrı, altın ve yipek nağışları, «tatar işleme» usulı, çolmekçilik boyunca ustalar dersleri ötkerilecek. Festival musafirleri «Közaydın» studiyasınıñ azaları tarafından qırımtatar halq masalları esasında azırlanğan animatsion filmler numayış etilecek.

Meşur yırcı ve çalğıcılar qırımtatar halqınıñ yır sanatınen tanış etecekler. Programmanıñ soñunda ise er kes qırımtatarlarnıñ sevimli yemeklerinden biri «Tataraşnı» pişirip, onıñ dadını baqacaq.

Festival adet üzre «Horan» oyunınen yekünlenecek.

XS
SM
MD
LG