Link açıqlığı

Ükümet Kiyevde qırımlı studentlerniñ stipendiyasına para ayırdı


Ukraina nazirler şurası işğal etilgen Qırımnıñ III ve IV seviyeli akkreditatsiyası olğan aliy oquv yurtlarından Taras Şevçenko adına Kiyev milliy universitetine oqumağa keçken studentlerniñ stipendiyası içün masraflarnı belgiledi.

Bunı Ukraina tasil ve ilim Nazirliginiñ matbuat hızmeti bildirdi.

Devlet bücetiniñ umumiy fondunda Tasil ve ilim nazirligine 2014 senesi içün belgilengen bücet parası çerçivesinde masraflar deñiştirildi.

Nazirlikniñ matbuat hızmeti bildirdi ki, Taras Şevçenko adına Kiyev milliy universiteti ayrı bücet programması tarafından maliye etile.

Bu sene mart-iyün ayları devamında Qırımnıñ 100 studenti Taras Şevçenko adına Kiyev milliy universitetinde oqumaq niyeti bar olğanını bildirdi. Qırım muhtar cumhuriyeti ve Aqyarda bücet parasına oquğan 120 student Taras Şevçenko adına Kiyev milliy universitetinde oquşını devam ete.

XS
SM
MD
LG