İşğal etilgen Aqmescit sakinleriniñ yalıñız 27,2% özüni Rusiye vatandaşı olaraq is ete. Bunıñ kibi neticelerni «Cemaat alı ve aqmescitlilerniñ qıymetleri. Saylavaldı vaziyet» («Sotsialnoye samoçuvstviye i tsennostnıye oriyentirı simferopoltsev. Predvıbornaya situatsiya») tedqiqi kösterdi. Tedqiqni Siyasiy alâqalar regional institutı keçirdi.
Tedqiq malümatlarına köre, aqmescitlilerniñ daa 48,1% özüni Qırım sakinleri olaraq, 17,3% ise – Aqmescit sakinleri olaraq tanıtalar. Cevap bergenlerniñ 3,7% öyle de cevap berip olamadı.
Qırımda sentâbrniñ 14-ne keçirilmesi belgilengen saylavlarnı aytsaq, aqmescitlilerniñ 25,3% yarımadanıñ içtimaiy-iqtisadiy problemleri al etilecek, dep tüşüne.
Aqmescitlilerniñ 24,3% bolluq seviyesi artacağına, 22,4% ise akimiyette yañı sımalarnı körmege ümüt ete.
Soraştırğanlarnıñ yarısından ziyade (51,4%) «Devlet şurası» saylavlarında soñ qoranta alı eyilişecegine ümüt besley. Aqmescit sakinleriniñ 33,8% aile alı eyilişecegini, 7,8% ise, aksine, fenalaşacağını tüşüne.
«Cemaat alı ve aqmescitlilerniñ qıymetleri. Saylavaldı vaziyet» tedqiqi Siyasiy alâqalar regional institutı tarafından 2014 senesi avgust 26-dan sentâbr 2-ne qadar keçirildi. Cevap bergenlerniñ sayısı 968 adamnı teşkil ete.
Siyasiy alâqalar regional institutı akimiyet tarafdarı ola.
