Ukraina akimiyeti «Divar» leyhası çerçivesinde Rusiye ile sıñırda inşaatlarnı qurıp başlay.
Bunı Ukraina ükümetiniñ toplaşuvında baş nazir Arseniy Yatsenük bildirdi.
«Bizler «Divar» leyhasına başlaymız. Bu Ukraina ve Rusiye Federatsiyası arasında tam devlet sıñırınıñ qurucılığıdır», – dep ayttı Yatsenük.
İmaye divarını qurmaq teşebbüsi Dnepropetrovsk vilâyetiniñ valisi İgor Kolomoyskiyge ait. Bunıñnen bağlı müendis planı Ukraina prezidentiniñ memuriyetine berildi.
Leyhağa köre, imaye divarı eki metr yüksekligi ve aman-aman eki biñ kilometr uzunlığı olğan madeniy ağ olacaqtır. Onı direklerge baylaycaqlar. Töpesinde ise sançqan tel olacaq, onıñ bazı yerlerinden elektrik aqım keçecek, dep haber ete UNN.
