Rusiye Silâlı quvetleriniñ büyük talimleri sentâbr ayında Altayda, Qazahistan ile sıñırlarnıñ yanında ötkerilecek. Mında Raketa strategik orduları (RVSN), arbiy aviatsiya, dört biñden ziyade insan ve 400 dane tehnika iştirak etecek.
Bunı RİA Novosti agentligi (RVSN) reberliginiñ vekiline esaslanıp bildire.
Bu künleri LDPR lideri Vladimir Jirinovskiy «Eho Moskvı» radiosınıñ yayınında bildirdi ki, Ukrainadaki adise-vaqialardan soñ Rusiye, onıñ fikirince, Rusiyege qarşı areketler olğan Qazahistanğa emiyet bermeli.
Rusiye prezidenti Vladimir Putin avgust 29-da «Seliger» gençler forumında çıqışta bulunıp, Qazahistan iç bir vaqıt devlet olmağan bir yerde meydanğa ketirilgenini ayttı.
Qazahistan sakinleri «ukrain stsenariyi» tekrarlanmasın dep, «Putinge tarih dersligini yolla» aktsiyasını keçirdiler.
