Link açıqlığı

Qırımda talebelerge ana tilinde tasil almağa imkân bermeyler


Aqmescit – Aqmescitteki Ukrain mektep-gimnaziyasında ukrain tilli birinci sınıfnı açtılar. Faqat, Rusiye qanunlarına köre, yuqarı sınıflarda tasil ep bir rus tilinde alıp barılacaq. Balalarnı kelecekte Ukrainanıñ qıtasında oqutmağa niyetlengen ana-babalar bu sebepten çorlandılar.

Gimnaziya müdiriniñ bildirgenine köre, yılnıñ soñuna qadar, oquv yurtnı yañıdan adlandıracaqlar. Evelden oquv ceryanı ukrain tilinde keçken olsa, şimdi 40 ukrain tilli sınıftan tek 9 qaldı.

Balalarğa ukrain tilinde oquvnı yekünlemege izin bermezler

Ukrain mektep-gimnaziyasınıñ 1-nci sınıf talebesiniñ anası Elmira, Qırım.Aqiqatqa bildirgeni kibi, balasını mahsus ukrain sınıfına berdi, kelecekte tasilni ukrain oquv yurtlarından birinde devam ettirmesini istey.

Tamam şu sınıf talebesiniñ babası Roman, Qırım.Aqiqatqa sölegeni kibi, o, yuqarı sınıflarda oquş rus tilinde olacağını bilmey edi. «Bilmeyim, balama qolay olurmı. 8-9 yıl devamında ukrain sınıfında ukrain tilinde oqup ta, soñki eñ ağır yılnı bütünley rusçasına keçmege …Bu pek ağır ve pek yañlış», – dedi o.

Yılnıñ soñuna qadar gimnaziya adını deñiştirecek

«Rusiye qanunlarına keçemiz ve rus programmalarına köre çalışacaqmız», – dep ayttı Qırım.Aqiqatqa mektep müdiri Valentina Lavrik.

Onıñ bildirgenine köre, kadrlar meselesini endi al ettiler: ukrain tili ocalarnı rus tili ve edebiyatı filologları zenaatını almağa yolladılar.

Bunen beraber, Lavrik, qırımtatar tilini ögrenmek içün gruppalar tizilecek. Bunıñ içün aftada eki saat ayıracaqlar.

Aqmescitteki ukrai gimnaziyasını birinci sınıfı
Aqmescitteki ukrai gimnaziyasını birinci sınıfı

«İyunniñ soñunda mektepniñ vasiylik şurası, ana-babalar komiteti toplaştı, mektepte sınıflarnıñ 75% rus tilli olğanı içün, oquv yurtnı yañıdan adlandırmağa qarar alındı. Bugünki künde mektepniñ adı etrafındn muzakereler keçe. Şimdiki vaqıtta, Aqmescitteki akademik gimnaziya adını daa çoq begenemiz. Akademik, demek, bir sıra fenler daa teren ögrenilecek», – dep añlattı müdir.

Aytqanına köre, gimnaziya yılnıñ soñuna qadar yani «tasil sistemasında keçüv müddet yekünlengeninden soñ» adını deñiştirecek.

Qırımda ukrain tilinde tasilni yoq eteler, – köçipp kelgen

«Qırımda umumen ve hususan, ukrain mektep-gimnaziyasında olıp keçken vaqialar yarımadada ukrain tilinde tasilni yoq etkenlerini tasdiqlay», – dep bildire mecburen köçip kelgenlerniñ cemaat teşkilâtları Koordinatsion komitetiniñ reislerinden biri Andrey Şçekun.

Andrey Şçekun
Andrey Şçekun

«Bugünde bugün qanunsız istilâcı akimiyet ukrain mekteplerni ğayıp etmek içün yañı gizli usullarnı, ayın-oyunlarnı qullana. Nе qadar çoq yalanlar aytsa da, Ukraina ve bütün dünya ukrain Qırımnıñ yoq etilüvini añlay», – dedi Şçekun.

Şçekunnıñ fikirince, balalarğa yuqarı sınıflarda ana tilinde tasil almaqnı yasaq etmeleri, aqarettir.

Bundan evel, «Qırım tasil, ilim ve yaşlar naziri» Natalya Gonçarova bildirgeni kibi, ana-babalardan arizalar kelmegeni içün, yarımadada artıq ukrain tilli başlanğıç sınıflar açılmaycaq. İstisna olaraq Aqmescitteki ukrain gimnaziyası olmaq mümkün edi.

Amma, memur qayd etkenine köre, Rusiye qanunlarına binaen, 10-11 –nci sınıflarda oquş yalıñız rus tilinde alıp barıla.

XS
SM
MD
LG