Salı künü Yaltada ibadet etkenlernen beraber yaqalanğan Kezlevdeki Ukrain yunan-katolik kilsesiniñ papazı Bogdan Kostetskiy azat etilgenini bildirdi.
Bunı papaz Ukraina Diniy malümat hızmetine ayttı.
«Sentâbr 3-te saat 10-da papaz Bogdan UDMH muarririyetine telefon etip, endi azatlıqta bulunğanını bildirdi. Azat etüv aqqında bir de bir tafsilâtlı malümatnı aydınlatmadı», – dep qayd ete neşirniñ matbuat hızmeti.
Aqşam üstü papaz Bogdan Ukrain yunan-katolik kilsesiniñ diger papazı Nikolay Gavrilükke olarnı belgisiz şahıslar yaqalağanları, ve olar bir de bir mağazda bulunğanını bildirdi. Saat 2:30 onı sorğuğa çekmek kerek ediler. O vaqıttan berli onıñnen bağ yoq edi.
Yaqalav sebepleri belli degil.
