Link açıqlığı

Saatnıñ esas haberi

Yüzden ziyade Qırım musulmanı Hac ibadetini qılmağa niyetlene


Qırım musulmanları Hac ibadetini qılmaq içün basa-bas arizalarnı bereler.

Bunı Qırım musulmanları Diniy idaresiniñ matbuat hızmeti bildire.

Hacnı teşkil etüv bölüginiñ malümatına köre, sentâbr 2-ne qadar QMDİ 150 muracaatnı aldı, aman-aman 90 vesiqa teslim etildi. Qırım içün 140 yer ayırıldı.

«Vesiqalar qabul etilgen soñ, Qırım Müftiyatında Hac ibadetini qılmağa niyetlengen musulmanlar içün bir künlik lektsiya-seminap keçirilecek. Seminarda musulmanlarğa Hacnıñ şartları aqqında tarif etecekler ve ileride acı olacaq adamlarğa tevsiye berecekler», – aytalar matbuat hızmetinde.

QMDİ Hac ibadetini qılacaq olğan adamlarnıñ vesiqalarını qabul etmege devam ete. Sentâbr 5-ne qadar vesiqalarnı teslim etmeli. Qırım musulmanları Diniy idaresi Qırım musulmanlarınıñ acılığınen er yıl oğraşa. Bu sene Hac ibadetini qılmağa istegenler yalıñız 2,5 biñ dollar tölemek kerekler.

XS
SM
MD
LG