Nevbetçiniñ malümatına köre, Keriç parom keçitinde sentâbr 2-de aqşam 270 maşina nevbetini bekley.
Al-azırda «Kavkaz» limanında nevbet 230 maşinadan ibaret, – dep bildirdirler «Yekâne naqliye müdirliginiñ» matbuat hızmetinde.
«Aqşam üstü maşinalar sayısınıñ artqanı tabiiy bir aldır, çünki turistler üylede musafirhanelerden çıqalar ve bir qaç saatten keçitke kelip çıqalar. «Qadife» mevsimi başlanğanınen Qırımğa kirgen naqliyatnıñ sayısı da arttı», – dep tefsir eteler naqliye müdirliginde.
Taşıyıcılarnıñ malümatına köre, keçit işini devam ete, lâkin bugün yelniñ süratı saniyede 8-10 metrni teşkil ete edi. Buña baqmadan, paromlar çalışalar.
