Aqmescitteki ukrain mektep-gimnaziyası 2015 senesi yanvarniñ 1-ne qadar başqa adnı alacaq. Bunı gimnaziya müdiri Valentina Lavrik Qırım.Aqiqat saytına bildirdi.
Onıñ aytqanına köre, oquv yurtında «Aqmescit akademik gimnaziyası» adına qol tutalar.
«İyün ayınıñ soñunda mektepniñ terbiye şurası, ana-babalar komiteti toplaştı ve sınıflarnıñ 75% rus tilli olğanı içün oquv yurtına başqa ad berilmesi aqqında mesele köterildi. Şimdilik oquv yurtınıñ yañı adı muzakere etile. Bizler Aqmescit akademik gimnaziyası adına qol tutamız. Akademik, çünki bazı bir fenler keniş tarzda ögrenile», – dep tarif etti müdir.
Malüm olğanı kibi, Aqmescit şeer şurası tasil idaresiniñ yolbaşçısı Tatyana Suhina bildirdi ki, Ukrain gimnaziyası «yüz fayız başqa ad alacaq», çünki «birden yañlış edi».
