Link açıqlığı

Bütündünya ukrainler kongressi Ukrainağa qol tutmaq maqsadında informatsion kampaniyanı keçirecek


Bütündünya ukrainler kongressi (BUK) Rusiye istilâsı vaqtında Ukrainağa qol tutmaq içün informatsion kampaniyanı başlamağa qarar berdi. Böyle bir memorandumlarnı kögress reberligi Ukraina ükümeti ve Atlantic Council halqara analitik malümat merkezi ile imzaladı, dep bildirdi BUK prezidenti Yevğen Çoliy, haber ete Azatlıq Radiosı.

«Bizler Atlantic Council merkezi ile işbirlikke başladıq. Bizler olarnen beraber Ukrainada olıp keçken adise-vaqialar yalıñız Ukraina buhranı degil de, dünya buhranı olğanını dünya toplulığına is ettirmege tırışacaqmız. Bizim maqsadımız – ukrain diasporası yaşağan devletlerniñ ükümetleri ile bu malümatnı yetkizmektir», – dep qayd etti Çoliy.

Onıñ bildirgenine köre, BUK sentâbr 26-na keçirilmesi belgilengen nevbetten tış parlament saylavlarına nezaretçiler taqımlarını azırlap başlay. O, dey ki, kongress azaları çetelde rey berecek Ukraina vatandaşlarına saylavlar aqqında malümat berecekler.

BUK dünyanıñ aman-aman 50 memleketinde ukrain birleşmelerini bir arağa toplay. Onıñ azaları informatsion-analitik merkezleri, cemaat teşkilâtları ve BUK temsil etelgen devletlerde siyasiy firqalarnıñ ofisleri ile işbirlik tutalar.

XS
SM
MD
LG