Qırım «ükümeti» 2014 senesiniñ soñuna qadar turizm saasında keçirilecek tedbirler cedvelini tasdıqladı ve işbu tedbirlerniñ maliye miqdarını 20,5 million ruble derecesinde belgiledi.
Bunı Qırım «ükümetiniñ» matbuat hızmeti bildire.
«Ayırılğan sermiya Qırımda raatlıq, mütehassıslarnı ögretüv ve turistik infrastrukturasınıñ inkişafına masraf etilecek», – aytıla beyanatta.
Sermiya reklama ve imic siyaseti, Rusiye ve çetel jurnalistleri içün matbuat turları, informatsion ve usulşınaslıq turlarnıñ keçirilmesi, Qırımdaki turistik malümat merkezleriniñ yardımına sarf etilecek.
Vesiqada 2013 senesiniñ turizm saasındaki borclar ödemesine ayırılacaq para közde tutula.
