Link açıqlığı

Saatnıñ esas haberi

Matbuat vastaları: Rusiyede «maydanğa qarşı müfrezelerni» şekillendirip başladılar


Rusiye regionlarında «anayasa qurumını yoq etmege areket etecek sistemadan tış muhalifet tarafından yapılacaq devletke qarşı, provokatsion areketleri» ile küreşecek politsiyağa yardımcı olacaq «maydanğa qarşı müfrezeler» şekillendirile. Bunıñ kibi birleşmelerniñ meydanğa ketirilmesinen bağlı haber Rusiye tarafından işğal etilgen Qırımğa da yollanıldı.

Bunı «İzvestiya» Rusiye gazetası yaza.

Neşirniñ malümatına binaen, böyle mektüplerni Qırımnıñ öz başına ilân etilgen baş naziri Sergey Aksönov, onıñ Aqyar, Ukrainağa yaqın regionlar ve Rusiyeniñ avropalı qısım vilâyetlerinde işdeşleri aldılar.

Mart 16-da Qırımda Rusiye Federatsiyasınıñ arbiy ve siyasiy yardımı ile anayasağa uymağan ve dünyada tanılmağan referendum keçirildi. Öz başına ilân etilgen Qırım akimiyetiniñ malümatına köre, rey bergenlerniñ 96,77% Qırımnıñ Rusiyege qoşulmasına qol tuttı. Ukraina ve Ğarp Rusiyeni Donbasstaki boyeviklerge yardım etmesinde qabaatlay. Moskva ise bunı red ete.

XS
SM
MD
LG