Link açıqlığı

Herson vilâyetiniñ qırımtatar cemiyeti Donbassta terrorizmge qarş tedbirlerde iştirak etken ukrain arbiylerine sermiya toplay ve kontsert keçirecek ola.

Bunı yerli Meclis reisi Zekiye Kurşutova Qırım.Aqiqat saytına bildirdi.

Onıñ aytqanına köre, kontsert oktâbrde Qurban bayram künü ya da sentâbr ayında Geniçesk rayonınıñ Novoalekseyevka qasabasında ötkerilecek.

Kontsertte qırımtatar ansamblleri ve icracıları çıqışta bulunacaqlar, sermiya ise ukrain arbiylerine berilecek.

Bundan ğayrı, Kurşutova bildirdi ki, keçken raatlıq künleri Novoalekseyevkada kontsert olıp keçti ve ATO arbiyleri içün 4 biñ grivna topladılar.

XS
SM
MD
LG