Link açıqlığı

Minsk şeerinde «Ukraina-Rusiye-OSCE» kontakt gruppasınıñ körüşüvi yekünlendi


Minsk şeerinde Ukrainadaki vaziyetni al etüv boyunca Ukraina-Rusiye-OSCE üç taraflı kontakt gruppasınıñ muzakereleri olıp keçti.

Bunı Azatlıq Radiosı «İnterfaks-Zapad» agentligine esaslanıp bildire.

Neşirniñ malümatına köre, körüşüv Minsk merkezindeki ükümet rezidentsiyasında aman-aman 4 saat devam etti.

Reuters bildire ki, «kontakt gruppasınıñ» körüşüvinden soñ belli bir neticeler beklenilmedi. Ukrainanı sabıq prezident Leonid Kuçma temsil etti.

Rusiye tarafını Ukrainada Rusiye elçisi Mihail Zurabov, OSCEni ise – OSCE Ukrainadaki vaziyetni al etüv meseleleri boyunca reisiniñ resmiy vekili Haydi Talyavini temsil etti.

Mesleatlarda öz başına ilân etilgen «DNR» baş naziriniñ muavini Andrey Purgin ve öz başına ilân etilgen «LNR» «Yuqarı şurasınıñ reisi» Aleksey Karâkin iştirak ettiler.

XS
SM
MD
LG