Link açıqlığı

Saatnıñ esas haberi

Aksönov Tavriya universitetiniñ studentlerine Rusiye – büyük imkânlar memleketi olğanını ayttı


В ТНУ День знаний открывал Аксенов
Bekleñiz, lütfen

No media source currently available

0:00 0:02:00 0:00

İşğal etilgen Qırımda Tavriya milliy universitetine federal universitet statusını berecek olalar. Bunı sentâbr 1-de Qırımnıñ öz başına ilân etilgen baş naziri Sergey Aksönov bildirdi.

O, kelecek afta universitet studentlerinen körüşmek niyetinde.

«Sizler bizim kelecegimiz, bütün ümütlerimiz sizge bağlıdır. Rusiye Federatsiyası öz studentlerine ana-baba kibi davrana. Er bir millet vekile özüne iş tapar, çünki Rusiye bu yañı, büyük imkânlar memleketidir», – dep ayttı Aksönov.

Tavriya milliy universitetiniñ studentleri Qırım.Aqiqat mühbirine bergen malümatlarına köre, bu sene stipendiya miqdarı bayağı eksildi. Birinci kurs studentleriniñ aytqanına köre, stipendiya biñ ruble seviyesinde belgilene (tahminen üç yüz grivna), Ukrainada ise 888 grivna ala ediler.

Qırımtatar ve şarq filologiyası fakultetinde qırımtatar tili saatlerini qısqarttılar, – dep bildire Qırım.Aqiqat mühbiri. Bu sene yalıñız 20 talebe oqumağa kirdi.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG