İşğal etilgen Qırımda bala bağçalarında nevbet 39 biñ insannı teşkil ete. Bunıñ kibi raqamlarnı sentâbr 1-de Qırım «tasil ve ilim naziri» Natalya Gonçarova seslendirdi.
Onıñ aytqanına köre, eñ kergin vaziyet Qırım paytahtında, mında 12,4 biñ bala nevbetini bekley.
«Bugünde-bugün bala bağçalarınıñ nevbeti – Qırım içün ciddiy bir problemadır. Ukraina vaqıtlarında bile bu raqam bizde eñ yüksek sayılır edi. Bu ceetten liderler yerlerini, tabiiy ki, büyük şeerler aldı», – dedi Gonçarova.
Kezlevde bala bağçalarında nevbet 2,7 biñ baladan ibaret, Kefede – 2,5 biñ, Aqmescit rayonında – 3,4 biñ, Bağçasarayda ise – 1,9 biñ balanı teşkil ete.
Gonçarovanıñ qayd etkenine köre, mektepten aldın müessiselerniñ büyük nevbetler meselesini al etmek içün 577 million ruble miqdarında sermiya ayırıldı.
