Link açıqlığı

Aqmescit mekteplerinde Sankt-Peterburg parasına sport meydançıqları peyda olacaq


İşğal etilgen Aqmescitte yerli akimiyet 15 şeer mektebini yañı sport kompleksinen donatmağa vade ete.

Bunı sentâbr 1-de Qırım paytahtınıñ yolbaşçısı Viktor Ageyev №24 mahsuslaştırılğan umumtasil mektebiniñ talebe ve ocalarını hayırlar eken bildirdi, – dep haber ete öz başına ilân etilgen Qırım ükümetiniñ «ruporı» «Krıminform» saytı.

Ageyevniñ aytqanına köre, Aqmescit şeeriniñ bala bağçaları ve mektepleriniñ tehnikiy bazasını zemaneviyleştirüv yolunda Sankt-Peterburg şeer reberi yardımcı olacaq.

«Rusiyeniñ şimaliy paytahtı Aqmescitke 4 sport şeerçigini ediye etti, bugün anda ilki beden terbiyesi dersleri keçirilecek. Tezden bunıñ kibi sport şeerçikleri daa 15 mektepte peyda olacaq, lâkin şeer akimiyetiniñ maqsadı – Aqmescitniñ er bir mektebini sport meydançığınen donatmaqtır», – dep qayd etti Ageyev.

Bugün Qırımnıñ öz başına ilân etilgen baş naziri Sergey Aksönov mektep talebelerini Bilgi kününen tebrikler eken, Rusiye standartları aqqında hatırlattı.

XS
SM
MD
LG