Avropa komissiyası Avropa şurasınıñ avalesine köre Ukrainadaki vaziyetten sebep Rusiyege qarşı sıñır tedbirleri boyunca yañı tekliflerni azırlay. Bunı Avropa komissiyasınıñ resmiy vekili Pia Hansen bildirdi, dep haber ete Azatlıq Radiosı.
«Avropa Şurasınıñ nevbetten tış körüşüvinde qabul etilgen bir aftalıq müddet içinde bu teklifler azır olacaq, bizler olarnıñ üzerinde çalışamız», – dep qayd etti Hansen.
Ukraina ve Ğarpnıñ bir sıra memleketleri Rusiyeni Ukrainağa qarşı istilâda qabaatlaylar. Kreml bu malümatnı tasdıqlamay, lâkin NATO Donbassta Rusiye arbiylerniñ bulunmasını bildirgen edi.
