Link açıqlığı

Türkiye ukrain arbiy hastahaneler ve Slavânsk şeerine yardım etecegini vade etti


Ukraina Yuqarı Radasınıñ insan aq-uquqları boyunca vekâletli Valeriya Lutkovskaya Türkiye Cumhuriyetiniñ Nazirler şurası işbirlik ve koordinatsiya Agentligi programmasınıñ koordinatorı Haci İbraim Bolat ile Ukraina şarqındaki ATO tedbirlerinde iştirak etip yaralanğan ukrain arbiyleri tedaviylengen ukrain arbiy hastahaneler içün tehnikiy yardım kösterilmesi aqqında añlaştı.

Bunı ukrain vekiliniñ matbuat hızmeti bildire.

Lutkovskayanıñ qayd etkenine köre, subet devamında Türkiye agentliginiñ temsilcisi Ukrainadaki arbiy hastahanelerge yardım etmege, olarnı zemaneviy tibbiy tehnika ile donatmağa azır olğanını bildirdi.

«Emekdaşlığımıznıñ işbu müim yönelişinden ğayrı, Türkiye agentligi ile Donetsk ve Lugasnk vilâyetlerinde terroristlerden azat etilgen rayonlarda, şu cümleden Slavânsk ve Kramatorsk şeerlerinde, içtimaiy infrastrukturanıñ ğayrıdan tiklenilmesinde yardım aqqında añlaştıq. Eñ evelâ, bala bağçaları, mektep, sağlıq saqlav müessiseleri aqqında laf kete», – dep tekrarlay Lutkovskayanıñ aytqanlarını onıñ matbuat hızmeti.

Bunıñnen beraber Türkiye agentliginiñ vekili qırımtatarlar içün meskenni aluv, Ukrainanıñ cenübiy rayonlarını suvnen teminlev, tasil saasınıñ inkişafı, «Deti Çernobılâ – za vıjivaniye» halqara fondu ile işbirlik leyhaları aqqında tarif etti.

Taraflar Ukraina ve Türkiye vekilleri arasında işbirlik qurmağa añlaştılar.

XS
SM
MD
LG