Vasıl Sinçuk – Qırımnıñ yañı prokurorı. Bunıñnen bağlı malümat Ukraina Baş prokuraturasınıñ saytında 2014 senesi avgust 29-da derc etildi.
Bundan evel Sinçuk üç kün devamında Poltava vilâyetiniñ prokurorı edi. «Obyektiv novostey» neşiriniñ malümatına köre, sentâbr 1-de o, Qırım prokurorı vazifesinde işke başlay.
Sinçuknıñ aytqanına köre, o, «vazifelerni tolusınen becermege tırışacaq, lâkin yarımadanıñ işğal şaraitleri kene de tesir etecek».
«Qanun ne buyursa, onı yapacaqmız. Bizler işğal etilgen territoriyada aqqları bozulğan adamlarnı qoruycaqmız», – dep tekrarlay Qırım prokurorınıñ aytqanlarını neşir.
Rusiyeniñ Qırım işğalinden evel Qırım prokurorı vazifesini Vâçeslav Pavlov eda ete edi. O, öz başına ilân etilgen baş nazir Sergey Aksönovğa boysunmaycağını bildirdi. Soñra bu vazifege Natalya Poklonskaya tayinlendi, birazdan Rusiye akimiyeti onı Qırım «prokurorı» olaraq qaldırdı.
