Link açıqlığı

Qırım ve Ukraina cenüp-şarqınıñ aman-aman 10 biñ sakini Lvov vilâyetine köçecek ola


Rusiye tarafından işğal etilgen Qırım, em de Donetsk, Lugansk, Harkov, Herson, Odessa ve Zaporojye vilâyetleriniñ 9,6 biñ sakini vaqtınca Lvov vilâyetine ketecek ola, dep bildireler Ukraina haberleri Lvov vilâyet devlet memuriyetiniñ vekiline esaslanıp.

Memuriyetniñ malümatına köre, Lvov vilâyet şurasınıñ Ukrainanıñ cenüp ve şarq vilâyetleri, em de Qırım içün açılğan sıcaq ağına 3235 qoranta muracaat etti.

1012 aile öz evlerinde köçip kelgenlerni qabul etmege azır. Şimdilik 6485 insan vaqtınca qabul etildi.

Avgustnıñ 28-ne qadar Lvov vilâyetinde Qırım ve şarqiy vilâyetlerniñ 5301 vatandaşı yerleştirildi, olardan 2243 – Qırım sakini, 3058 – Donetsk ve Lugansk vilâyetlerinden köçip kelgenlerdir. Köçip kelgenlerden 1916 kişi – bala, şu cümleden 1153 – şarqtandır. Grajdanlarnı em Lvov, em de vilâyetniñ diger rayonlarında yerleştirdiler.

XS
SM
MD
LG