Qırımnıñ öz başına ilân etilgen baş naziri Sergey Aksönov sentâbr 1-de №2 I-III seviyeli umumtasil mektebine yol alıp, balalarnı Bilgi künü munasebetinen bilgisayar tehnika sertifikatı ile hayırladı.
Bu aqqında Qırım «ükümetiniñ» matbuat hızmeti bildire.
Aksönov çıqışta bulunır eken, Qırım mekteplerindeki Rusiye standartları aqqında hatırlattı.
«Men er bir talebeni hayırlayım, yañı oquş yılından başlap sizler Rusiye standartları boyunca ve tınç kök altında bilgi alacaqsıñız!», – dedi o.
Onıñ aytqanına köre, yaz devamında aman-aman 200 mektep tamir etildi. Aksönov tedbirniñ soñunda mektepni yañı bilgisayar donatmaları sertifikatınen taqdirledi.
