Qırımda yaşasañ, ukrain olmaq – havflıdır. Qapalı ukrain mektepleri. Ukrainanen bağlı olğan er şeyni yoq etüv. Ukraina bayrağı içün para cezası ve cinaiy taqipler.
Qırımlı ukrainler havf altında. Ukrainler buña nasıl davrana bileler? Ukraina qırımlı ukrainlerge yardım etmesi mümkünmi?
Bu aqqında – «24» haber telekanalınıñ Qırım.Aqiqat leyhasınıñ yañı yayınında.
Studiyada alıp barıcı Oleksandr Yankovskiy ile beraber – «Ukrain evi» iş ve medeniy emekdaşlıq Qırım merkezi» cemaat teşkilâtınıñ reisi Andriy Şçekun ve Qırım tarihçısı ve publitsist Andriy İvanets.
Yayın cumaertesi künü saat 18.30 (Aqmescit vaqtına köre saat 19.30) ve bazar künü saat 11.30 (Aqmescit vaqtına köre saat 12.30) efirge çıqa.
Hatırlatamız, Azatlıq Radiosınıñ yañı leyhası – işğal etilgen Qırımda olayatqanlarnı bilmege istegenler içün.
