Link açıqlığı

Ukraina tışqı işler nazirligi: Cezairde ukrain uçağı qazağa oğradı. Erkân azaları elâk oldılar


Tışqı işler nazirligi Cezairde An-12 ukrain uçağınıñ qazası aqqında malümatnı tasdıqladı. Erkânnıñ bütün yedi azası elâk oldı.

Bu aqqında Ukraina tışqı işler Nazirliginiñ beyanatında aytıla.

Cezairdeki Ukraina elçihanesiniñ malümatına köre, cumaertesi künü saba «Ukraina-Aeroalyans» şirketine ait An-12 yük uçağı qazağa oğradı. O, ukrain erkânınıñ hadimlerinen beraber Taman Rasset (Cezair) – Malabo (Ekvatorialnaya Gvineya) yolu boyunca cermay donatmalarını alıp kete edi.

Al-azırda qaza yerinde qıdıruv işleri devam ete, mütehassıslar çalışa.

XS
SM
MD
LG