Link açıqlığı

Ukrain vatanperveri Neganovnı «rusiyeli» Aqyarda keçirilgen aktsiyalar içün apis ve para cezası bekleyler


Avgust 29-da Aqyar faali Viktor Neganovnıñ qayd etilgen yer adresi boyunca mahkeme davetnamesi keldi. Neganov avgustnıñ 24-de Ukraina Mustaqillik Künü munasebetinen şeerde aktsiyanı teşkil etken edi.

Bunı Qırım.Aqiqat saytına faalniñ özü bildirdi.

Mahkeme davasında qayd etilgen maddege köre, para cezası 30 biñ rubleni teşkil ete bile ya da 50 saatlıq mecbur işler ya da 10 künlik memuriy apis cezası olmalı.

İşni Aqyarnıñ Gagarin rayon mahkemesiniñ mahkemecisi Horoşev O.S. baqacaq.

Neganovnıñ malümatına köre, Horoşevniñ yaqın tuvğanlarından biri Aqyar içki işler organlarınıñ hadimi ola.

Qırım.Aqiqat bergen malümatqa köre, avgust 24-te Neganovnı Aqyarnıñ Gagarin politsiya bölügi yaqaladı.

3 saat keçken soñ Neganovnı resmiy şekilde qabaatlamayıp, azat ettiler. Eki künden soñ o, işğal etilgen Qırımnı terk etmege mecbur oldı.

XS
SM
MD
LG