Qırım devlet tibbiy universiteti «Qırım federal universitetiniñ» erkânına kirsetilecek.
Bunı Qırım «tasil, ilim ve gençlik naziri» Natalya Gonçarova Aqmescitte ana-babalar komiteti vekilleriniñ umumqırım toplaşuvında bildirdi, dep haber ete e-Krım.
Onıñ zanınca, tibbiy aliy oquv yurtı federal universitetniñ erkânında maddiy yardım körecek ve tasil keyfiyetini arttıracaq.
Aliy oquv yurtınıñ reberligi universitetniñ federal universitet erkânına kirsetilüvine qarşı çıqa. Federal universitetniñ erkânına Tavriya milliy universiteti, tibbiy universitet, Agrar universiteti ve Qırım iqtisadiyat institutını kirsetmege planlaştırıla edi.
Tibbiy universitetniñ reberligi buña narazılıq bildirgen soñ, Qırım «akimiyeti» aliy oquv yurtı federal universitet erkânına kirmeycegini bildirdi.
