Qırım musulmanları Diniy idaresiniñ matbuat hızmeti bildire ki, Qırım musulmanları 2,5 biñ dollar tölep, acılıqqa bara bileler. Evelden diniy ziyaret fiyatı dört biñni teşkil ete edi.
«Qırım musulmanları 2,5 biñ dollar tölep, muqaddes Mekke yerlerini ziyaret etip, hac ibadetini qıla bileler. Böyle bir niyeti olğan insanlar Qırım musulmanları Diniy idaresine tafsilâtlı malümatnı almaq içün muracaat ete bileler. Vesiqalarnı sentâbrniñ 5-ne qadar teslim etmek kerek», – aytıla beyanatta.
İyülniñ ekinci yarısında Qırım musulmanları Diniy idaresi acılıq ibadetini qılmaq içün vesiqalarnı bergen adamlarnı qabul etip başladı. Ziyaretten evel aşı yapmaq kerek.
Ukrain kütleviy haber vastalarınıñ malümatına köre, yıl-yıldan İslâm dinini kütken ve hac ibadetini qılğan Qırım musulmanlarınıñ sayısı ep arta. Keçken sene olarnıñ sayısı 100 adamnı teşkil ete edi. 2012 senesi hac ibadetini qılğan adamlarnıñ sayısı seksen doquz adamnı, 2011 senesi ise 73 teşkil ete edi.
