Qırımtatar halqınıñ lideri, uquq qorçalayıcı, dissident areketiniñ iştirakçisi Mustafa Cemilev ve qırımtatar milliy Meclisiniñ reisi Refat Çubarov neşircilerniñ yigirmi birinci forumına kelecekler. Bu aqta forumnıñ resmiy saytında bildirile.
Teşkilâtçılarnıñ sözlerine köre, sentâbr 12 künü saat 14:00 «Lvov politehnikası» salonında Mustafa Cemilev ve Refat Çubarov ile «20-nci asır ve qırımtatar halqı» serlevalı körüşüv keçirilecek. Körüşüvni Mıroslav Marinovıç idare etecek.
Bunıñ ile sentâbr 13 künü saat 10:00 Pototskih Sarayında Pol Robert Magoçiy professorınıñ «Qırım: muqaddes toprağımız» serlevalı kitabınıñ prezentatsiyası keçecek.
Bu sene Lvov neşircileri Forumınınıñ programmasında 700 tedbirniñ keçirilmesi, 200 neşriyat ve 23 memleketten üç yüz müellifniñ kelmesi beklenile.
