Yañı oquv yurtında Kiyevniñ oquv yurtlarında işğal etilgen Qırım ve terrorizmge qarşı ameliyatnıñ zonasından köçip kelgen qorantalardan 3500 bala oquycaq.
Bunı Kiyev memuriyetinde bildirdiler ve bu sene sentâbr 1 künü Kiyev mektepleri 241 000 talebeni qabul etecek.
«Tahminen 29 biñ birinci sınıf talebesi paytahtnıñ 508 umumtasil mekteplerinde tasil alacaq. Bundan da ğayrı, paytahtta ocalarnıñ 35 biñlik ordusına yaş mütehassıslar qoşulacaq – şeer mekteplerine 129 oca keldi», – deyler memuriyette.
Umumen ise şeerde 551 mektepten evel müessise bar, mında 105 biñ bala tasil ala.
Evel içtimaiy siyaset naziri Lüdmila Denisova işğal etilgen Qırımdan ve Aqyardan qıtaiy Ukrainağa 13078 insan kelgenini bildirgen edi.
