Link açıqlığı

Lugansk separatistleri para ve insanlarnıñ qıtlığını tanıp, Qırımdan «tenbellerni» çağıralar


«Lugansk halq cumhuriyeti» teşkilâtınıñ vekillerinden biri Aleksey Mozgovoy Qırımda yaşağan Donbass qaçaqlarını evge qaytmağa çağıra.

Öz ilânını o avgust 29 künü Yaltada keçirilgen «Rusiye, Ukraina, Novorossiya: müim mesele ve çağıruvlar» konferentsiyasında bildirdi», – dep haber ete Qırım.Aqiqat mühbiri.

«Tenbellerni evge qaytmağa çağıram»,– dedi tedbirde Mozgovoy ve er kesni «Prizrak» Lisiçan batalyonına kirip, Donbassqa yol almağa çağırdı.

O, al-azırda «LHC» tarafdarları maliye qıyınlıqlarğa rastkelgenini, em de regiondan qaçaqlarnıñ sayısı büyük olğanını bildirdi.

«Lugansk halq cumhuriyeti olacaq. Şimdi qanı aqqanlardan başqa iç bir kimse yañı cumhuriyette üküm başında olamaz», – dedi Mozgovoy.

Cuma künü, avgust 29-da, «Yalta İnturist» musafirhanesinde «Rusiye, Ukraina, Novorossiya: müim mesele ve çağıruvlar» konferentsiyası keçirile. Mında Rusiye Prezidentiniñ keñeşçisi Sergey Glazyev kelip, Donbassta «rus dünyasına» qarşı «qarışıq cenk» ketkenini bildirdi.

XS
SM
MD
LG