Link açıqlığı

Qırımtatar halqınıñ yetekçisi, Ukaina prezidentiniñ qırımtatarlarnıñ işleri boyunca vekâletli Mustafa Cemilev Türkiye prezidenti Recep Erdoğan ile ayırı körüşüv aqqında añlaştı.

Bunı o, avgust 28 künü keçirilgen Erdoğannıñ inauguratsiyası tedbirindeki iştiragini izaatlap, Qırım.Aqiqat saytına bildirdi.

Cemilevniñ sözlerine köre, Türkiye prezidenti, inauguratsiyadan soñ, selâm bermek içün özü oña keldi.

«Anda çoq insan edi. On eki prezident, baş nazirler, siyasetçiler. Qalabalıq edi. O, (Erdoğan – muar.) maña keldi. Ukraina prezidentinden oña selâm ayttım. O, Poroşenkoğa telefon açacağını bildiri. Tünevin ya bugün telefon açar, ğaliba. Ne vaqıt qaytacağımnı soradı. Men onıñ ile ayırı körüşüvni soradım. Razı oldı», – dedi o.

Körüşüvniñ vaqtı ve künü belgilendimi degen sualge Cemilev: «Yoq. Şimdi yalıñız onı keçirmege añlaştıq» dep cevap berdi.

Аvgust 28 künü, Ankarada, Türkiye prezidenti Recep Erdoğannıñ inauguratsiyası olmalı. Tantanalı tedbirge davet olğan eyyetler arasında ukrain eyyeti de bar edi, onıñ terkibine prezident Petro Poroşenko bar edi. Amma Ukraina şarqında vaziyetniñ kerginleşüvi sebebinden devlet başı bu ziyaretni lâğu etti. Ukrain tarafnı inauguratsiyada qırımtatarlarnıñ işleri boyunca vekâletli Mustafa Cemilev temsil etti.

XS
SM
MD
LG