Link açıqlığı

Saatnıñ esas haberi

Putinniñ Qırımda temsilcisi Qırım hanlığınıñ tarihını pekitmege teklif etti


Rusiye prezidentiniñ Qırımda vekâletli temsilcisi Oleg Belaventsev «Bağçasaray tarihiy-medeniy qoruğınıñ eñ müim meseleleriniñ çezilmesine ayrı diqqat etmege» vade etti. İşbu qoruqnıñ terkibine Qırım hanlarnıñ iqametgâhı – Hanlar sarayı da kire.

Bunı o, avgust 28 künü Bağçasaray toplulığı ile körüşüvde bildirdi, – dep haber ete Qırımnıñ öz başına taiyn etilgen akimiyetiniñ ruporı «Krıminform» saytı.

«Bu acayip bir yer, onı yaşartmaq kerek. Qırımnıñ, Qırım hanlığınıñ tarihını ğayrıdan tiklemek kerek. Bizim içün bu çet tarih degil, bizim çoq milletli devletimizniñ tarihıdır», – dedi Oleg Belaventsev.

Neşirniñ malümatına köre, Bağçasaray tarihiy-medeniy qoruğınıñ müdiri Elmira Ablâlimova şunı qayd etti ki, al-azırda saray kompleksiniñ rekonstruktsiya meselesi ğayet kergindir.

«Daa bir qaç yıl evelsi restavratsiya leyhası azırlanğan edi. Oña köre, 35 mln. grn ayırılmaq kerek edi. Şimdi bu esapnı rublelerge çevirdiler. Leyha teşkerüvden keçti ve «Rusiye medeniyeti» federal programmasına yollanıldı», – dedi Ablâlimova.

Onıñ aytqanı kibi, Belaventsev eñ müim meselelerniñ çezilmesine qol tutmağa vade etti, şu cümleden Han sarayınıñ ekinci qatnıñ ğayrıdan tamirlev işlerinde de.

XS
SM
MD
LG