Link açıqlığı

Saatnıñ esas haberi

Poroşenko Türkiyege olacaq ziyaretni lâğu etip, SNBO acele toplaşuvını çağırdı


Ukraina prezidenti Petro Poroşenko cumaaqşamı künü yañı saylanğan prezident Recep Tayyip Erdoğannıñ inauguratsiyası olacaq Türkiyege ziуаretini lâğu etti ve Milliy havfsızlıq ve mudafaa Şurasınıñ toplaşuvını çağırı. Buña sebep Donetsk vilâyetindeki vaziyetniñ deral kerginleşüvi oldı, dep haber etti cumaaqşamı künü Ukraina devleti başınıñ matbuat hızmeti, dep haber ete Azatlıq Radiosı.

Poroşenkonıñ sözlerine köre, böyle qarar «Rusiye ordularınıñ Ukrainağa kirsetilgeni» sebepten alındı. Kiyev BMT Havfsızlıq Şurası ve Avropa birligi Şurasınıñ acele toplaşuvını çağıra, dep haber etti ukrain prezidenti.

Ukraina Rusiyeni memleketke arbiy istilâ ile kelgeninde Donetsk vilâyetiniñ Novoazovsk şeeri separatistler tarafından zapt etilgeninden soñ qabaatladı. Ukraina içki işler nazirliginiñ keñeşçisi Zorân Şkirâk aytqanı kibi, ordularnı bir qaç yönelişten kirgizeler.Ve böyle areketler ile Rusiye Baş ştabı ükümet küçlerni tarqatmaq ve neticede Donbass mesken yerlerini nezaret altına almağa istey.

Evel Ukraina prezidenti Memuriyetiniñ başı Valeriy Çalıy Ukraina prezidenti Petro Poroşenko qırımtatarlarnıñ meseleleri boyunca vekâletli Mustafa Cemilev ile Türkiyeniñ yañı saylanğan prezidenti Recep Tayyip Erdoğannıñ inauguratsiyası tedbirine davet olunğanı aqqında bildirdi.

XS
SM
MD
LG