Link açıqlığı

Bu sene turistler Qırımda 60 mlrd ruble masraf etti, dep haber ete Qırımnıñ «turizm ve kurort naziri» Yelena Yürçenko, dep bildire Qırımnıñ öz başına tayin etilgen akimiyetiniñ ruporı «Krıminform» saytı.

Onıñ aytqanına köre, tahminen 35,5 mlrd ruble turistler mesken ve aşayt mallarğa masraf etti, 18 mlrd – eglence ve naqliyatqa, 6 mlrd – ediyelerge. Cumhuriyet bücetine bergi miqdarı 750 mln ruble oldı.

«Qırımnıñ turizm nazirliginde olğan tahminiy raqamlardır. Turistlerniñ masrafları boyunca raqam daa da büyük olacağını tüşünem».

Nazirlikniñ malümatına köre, Qırımğa bu sene 2,361 mln insan keldi. Olarnıñ esas qısmı – rusiyelilerdir, tahminen 400 biñ insan yarımadağa qıtaiy Ukrainadan keldi.

XS
SM
MD
LG