Türkiyede yañı baş nazir Ahmet Davutoğlu vazifesine başlay. Yañı kabinetniñ terkibi avgust 29 künü ilân etilecek, dep haber ete Azatlıq Radiosı.
Avgust 27 künü Davutoğlu Adalet ve inkişaf firqasınıñ yañı yetekçisi oldı.
Cumaaqşamı künü Türkiyeniñ yañı prezidenti Recep Erdoğannıñ inauguratsiyası da olacaq.
Avgust 10 künü Erdoğan memlekette ilk keçirilgen prezident saylavlarında ğalebe qazandı. O, devlet başınıñ vekâletlerini kenişletmek maqsadı ile anayasanı deñiştirmek niyetindedir. Evel Türkiye prezidenti temsiliy vazifelerni eda ete edi.
