Bağçasarayda, Han saray meydanında, QR-kitaphane peyda oldı. Bağçasaray qoruğınıñ müdiri Elmira Ablâlimovanıñ sözlerine köre, bu kitaphane mında üç künge yerleştirildi.
Qırım.Aqiqat mühbiriniñ sözlerine köre, sarayınıñ esas meydanında QR-kodları olğan eki stend peyda oldı. Olarnı bedava qullanmaq mümkün. Bunı etmek içün stendniñ aşağı qısmında olğan yardımcı sözlerni ögrenmek kerek.
Bu kitaphanede ayatı ya da icadiy yaratıcılığı Qırım ile bağlı olğan yazıcılarnıñ fotosüretleri bar.
«Hadimlerimizniñ sözlerine köre, insanlar meraqlana, kelip sualler qoyalar»,– dedi qoruqnıñ müdiri.
Faqat, Qırım.Aqiqat mühbiriniñ aytqanı kibi, 4 saat içinde iç bir oquyıcı kelmegen eken.
QR-kod (ingl. quick response ), 1994 senesi Denso-Wave yapon şirketi tarafından işlep çıqarıldı.
