«Qırım referendumı boyunca suallerni olmamaq kerek», – dedi Rusiye çetel işler nazirliginiñ başı Sergey Lavrov «Seliger-2014» Umumrusiye gençlik forumında. Bunı İTAR-TASS agentligi bildire.
«Qırımda unikal adise yüz berdi, referendum iç bir sualni doğurmamaq kerek. Saylavlarda er kes iştirak etti, olarnıñ iradesine iç bir kimse tesir etmedi», – dedi Lavrov.
Donetsk ve Lugansk vilâyetlerinde keçirilgen referendumlarğa ne sebepten tek Rusiye güzel davrandı degen sualge Lavrov «bu mevzuda keçirilgen referendumlar olarğa sebep olğan şaraitlerge köre talil etilmeli» dep cevap berdi.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
