Link açıqlığı

Aksönov 2015 senesi Qırımnı bütünley gaznen temin etecegini vade ete


İşğal etilgen Qırımda uzaq yerleşken mesken yerlerni 2015 senesi gaznen temin etecekler. Bunı avgust 26-da Qırımnıñ öz başına ilân etilgen baş naziri Sergey Aksönov Krasnogorka köyündeki tedbirde ayttı, – dep bildire Qırımnıñ öz başına ilân etilgen ükümetke yaqın olğan «Krıminform» saytı.

«Yalıñız bu qısımnıñ qurucılıq yekünlenmesine 12 mln. ruble ayırıldı. 2015 senesi Qırımnı bütünley gaznen temin etecekler, prezidentniñ bunıñnen bağlı emiri bar», – dedi Aksönov.

Aksönovnıñ qayd etkenine köre, yarımadanı gaznen teminlev programması ğayrıdan baqıla. Federal bücette Qırımnıñ gaz teminlevi içün sermiya belgilengen eken.

«Bitirsek, federal bücetten birden para kelecek. Bizler qırımlılarğa bergen vadelerimizni yerine ketirecekmiz», – dep ayttı Aksönov.

Onıñ qayd etkenine köre, al-azırda yarımadanıñ 30% gazsız qala.

Mart 16-da Qırımda Rusiye Federatsiyasınıñ arbiy ve siyasiy yardımı ile anayasağa uymağan ve dünyada tanılmağan referendum keçirildi. Öz başına ilân etilgen Qırım akimiyetiniñ malümatına köre, rey bergenlerniñ 96,77% Qırımnıñ Rusiyege qoşulmasına qol tuttı. Ukraina ve Ğarp Rusiyeni Donbasstaki boyeviklerge yardım etmesinde qabaatlay. Moskva ise bunı red ete.

XS
SM
MD
LG