Link açıqlığı

«Krımskiy telegraf» jurnalistleri Qırımğa qaytalar – neşir muarriri


Avgust 24-de Donetsk civarında yaqalanğan «Krımskiy telegraf» jurnalistleri Yevgeniya Korolöva ve Maksim Vasilenko Qırımğa qaytalar, – dep haber ete Azatlıq Radiosı.

Neşirniñ baş muarriri bildirdi ki, al-azırda jurnalistler Zaporojye yanında bulunalar, tren biletlerini satın alacaq olalar.

Salı künü Yevgeniya Korolöva tatasınen bağlanıp, aqşam onı azat eteceklerini bildirdi.

Avgustnıñ 24-de «Krımskiy telegraf» gazetasınıñ mühbiri neşirniñ eki hadimi – mühbir Yevgeniya Korolöva ve fotoressam Maksim Vasilenkonıñ Donetsk civarındaki arbiy areketler yerinde ğayıp oluvı aqqında bildirdi.

Gazeta saytındaki malümatqa köre, jurnalistlerni «Pravıy sektor» ukrain birleşmesiniñ vekilleri yaqaladılar. Lâkin «Pravıy sektor» matbuat kâtibi Ukraina şarqında teşkilât tarafından nezaret etilgen kiriş noqtalarında bir de bir yaqalanğan jurnalist, şu cümleden Qırımdan olmağanını bildirdi.

XS
SM
MD
LG