İşğal etilgen Yaltada futbol boyunca Rusiye Çempionatınıñ oyunı olıp keçti. Yalta şeer şurasınıñ matbuat hızmeti bildire ki, çempionat çerçivesinde ekinci liga oyuncıları oynaycaqlar – «Jemçujina» Yalta taqımı ve Krımsknıñ «Vitâz» FK.
«Futbol oyunı avgust 26-na planlaştırılğan ve saat 18.00 «Avangard» stadionında başlanacaq», – dep bildire Yalta yolbaşçılığı.
İyülniñ 31-de Rusiye futbol birliginiñ icra komitet bürosı Qırım ve Aqyar klublarınıñ iştiragini tasdıqladı.
Avgust 12-de Qırım taqımları Rusiye Kupasında iştirak ettiler, bundan soñ Ukraina futbol Federatsiyasınıñ prezidenti Anatoliy Konkov FİFA ve UEFAnı Rusiye futbol birligini cezalamağa çağırdı.
UEFA bildirdi ki, Rusiye futbol birligi altında keçirilgen Qırım taqımlarınıñ oyunları Avropa futbol birlikleriniñ İttifağı tarafından iç bir vaqıt tanılmaycaq.
