Qırım Yuqarı Radasınıñ sabıq reisi Anatoliy Gritsenkonı saylavaldı raqiplikten çıqardılar. Qırım.Aqiqat mühbiriniñ malümatına köre, avgust 26-da Qırım Apellâtsion mahkemesi Qırım «Devlet şurası» saylavlarından Anatoliy Gritsenkonıñ namzetini alıp taşladı.
Qayd etmeli ki, Gritsenkoğa qarşı mahkeme davası eki kere açtırılğan edi. Er sefer dava açtırğanlar yeñgen edi. Gritsenko saylav komissiyasına bütün malümatnı bermegen eken.
«Firqa cedvelleri boyunca Anatoliy Gritsenko «Spravedlivaya Rossiya» firqasından namzet köstergen edi. Qırımda yolbaşçısı olğan «Patriotı Rossii» firqasından dava açtırılğan edi. Gritsenko majoritar okrug boyunca namzet köstergen edi, №12 bölge boyunca namzet köstergen «KPRF» namzeti Oleg Popov ekinci mahkeme davasını açtırdır», – dep bildirdi Qırım.Aqiqat mühbiri.
Anatoliy Gritsenko qayd etilgende mesülietke çekilmegenini bildirdi, çünki oña nisbeten çıqarılğan mahkeme davasınıñ maddesi Ukrainada 2014 senesi fevral ayında lâğu etilgen edi.
Böyle etip, Anatoliy Gritsenko Ukraina qanunları boyunca mesülietke çekilmegen şahıs olaraq tanıla.
Kommunistler firqası ve «Patriotı Rossii» firqasınıñ namzetleriniñ fikirince, on yıl keçmegence Anatoliy Gritsenkonıñ mesülieti deñişmey qala.
Qırım mahkemecileri Anatoliy Gritsenkoğa qarşı mahkeme davalarını qanaatlendirip, onıñ Qırımnıñ Yedi Quyu rayonındaki №12 majoritar okrugı boyunca namzetini çıqardı. Mahkeme toplaşuvlarınıñ ekisi de salı künü, avgust 26-da, olıp keçti.
Anatoliy Gritsenkonıñ temsilcileri mahkeme qararına şikâyet etecek olalar.
