Link açıqlığı

Saatnıñ esas haberi

Poroşenko ve Putin Minskte qol tutuştılar ve vaziyetni tüzetmek yollarını qıdırğanları aqqında bildirdiler


Ukraina ve Rusiye prezidentleri Petro Poroşenko ve Vladimir Putin Minskte tantanalı merasimlerden evel qısqa körüşüv keçirdiler. Olar biri-biriniñ qollarını sıqtılar. Bu, RT rus telekanalı köstergen videoda körüne. Bunı Azatlıq Radiosı bildire.

Ukraina Prezidenti Petro Poroşenko öz çıqışında aytqanına köre, Ukraina ve Avropanıñ taqdiri bugün Minskte belgilene. Poroşenko Ukraina şarqında yüz bergen vaziyetni tüzetmek yollarını muzakere etmege azır olğanını tasdiqladı.

Rusiye Prezidenti Vladimir Putin öz çıqışında meseleni barışıq sürette çezmege kerek olğanını bildirdi.

Poroşenko ve Putin arasında muzakereler körüşüvden soñ keçirilecek. Anda Gümrük ittifağı ve Avropa komissiyasınıñ temsilcileri da iştirak etecekler.

XS
SM
MD
LG