NATO baş kâtibi Anders Fog Rasmussenniñ bildirgenine köre, Rusiye Ukrainağa «gumanitar konvoynı» yollap, öz arbiy areketlerinden diqqatını çekmege istey. Bu kibi fikirni o, Financial Times gazetasına seslendirdi, dep bildire Radіo Svoboda.
Rasmussenniñ aytqanına köre, ukrain arbiylerniñ muvafaqiyetleri Rusiyeni öz küçlerni büyütmege mecbur ete bile. Bundan da ğayrı, Rasmussenniñ malümatına köre, rus arttilleriyası Ukraina tarafına ateş aça.
NATO baş kâtibiniñ aytqanına köre, alyansnıñ qoşma küçleri Poloniyada bulunacaq.
Sentâbr 4-5 künleri Uelste NATO azalarınıñ sammiti keçirilecek. Anda iştirakçiler Rusiyeniñ areketlerine köre öz strategiyasını deñiştirmek yollarını muzakere etecekler.
